The Compendium of Suśruta 47.44

Bhānumatī 47.44

Language: Sanskrit

47.44

pūrvoktamityādi tuṣodakavidhānam | tatra yavāḥ satuṣāḥ samakṣuṇṇauṣadhaikabhāgasahitā ajaśṛṅgīkaṣāyeṇa susvinnatāparyantaṃ sādhyāḥ | vivecayediti pṛthak kuryāt | pūrvasaṃmitāniti pūrveṇauṣadhabhāgena tulyān | prathamaṃ pūrvavaditi padaṃ śītalena saṃyojitamityasyārthamatidiśati, dvitīyaṃ tu kalasasaṃskāraṃ pūrvavaddarśayati | tenaivetyauṣadhasahitayavasādhanāvaśiṣṭājaśṛṅgīkāthena; asya ca yavasaṃbaṃdhād ghanatvena yūṣeṇeti kṛtam | jātarasamiti amlarasam | ṣaḍrātrasaptarātravikalpa uṣṇaśītakālāpekṣaḥ || 40-44 ||-

Previous: 47.39
Next: 47.45
Up: 47

Linked texts (1)

Suśrutasaṃhitā — Suśruta & Nāgārjuna (siddha/alchemist), Sanskrit