The Compendium of Suśruta 47.8

Bhānumatī 47.8

Language: Sanskrit

47.8

trivarṇaketyādiyogo vātaśleṣmaṇi | trivarṇakaṃ tvakpatrailāḥ | etaditi prakrāntaṃ trivṛnmūlaṃ, trivarṇakatrikaṭukasamudāyasamaṃ prādhānyāt | guḍastu lehatvāpattipramāṇaḥ sarvasamo vā | prasthe cetyādiśca vātaśleṣmaṇi vyākhyāyate, tatraiva yogyatvāt | ye tu paṭhanti 'kvāthaprasthe kuḍavaṃ vā ghṛtasya' ityādi, tanmate vātapitte ghṛtametat | saindhavanāgare ca kārṣike bhavataḥ | tatkalkabhāga ityādau sasaindhavasyāpi trivṛdardhatvam | ayaṃ vātakaphe |

Previous: 47.6
Next: 47.11
Up: 47

Linked texts (1)

Suśrutasaṃhitā — Suśruta & Nāgārjuna (siddha/alchemist), Sanskrit