The Compendium of Suśruta 48.3

Bhānumatī 48.3

Language: Sanskrit

48.3

tatrāpi prādhānyena pānīyaṃ vaktumudyataḥ pānīyamāntarīkṣamāha - pānīyamityādi | antarīkṣādāgataṃ bhūtaṃ vetyāntarīkṣam | anirdeśyarasamiti avyaktarasam | amṛtamivāmṛtamanapāyitvāt | jīvanaṃ jīvitakāraṇamāyuṣyamityarthaḥ | tarpaṇamiti tṛptijananam | dhāraṇamiti abhihatādīnāṃ jīvitakārakatvāt | āśvāsanajanakamiti karmabhārādikḷiṣṭānāṃ toṣajananam | anāyāsakṛtaḥ śramaḥ klamaḥ | mado madyamadākṛtiḥ, sa ca trividhaḥ; yaduktaṃ carake—"yaśca madyamadaḥ prokto viṣajo raudhiraśca yaḥ” ( ca. sū. a. 24) iti | tandrānidrāpraśamanaṃ sparśena, bhavati hi nidrāyāstathā nidrānte ca tandrāyāḥ pānīyenākṣyādikṣālanādapagamaḥ | ekāntataḥ pathyatamamiti sarvāvasthāsu pathyatamam |

Previous: 48.2
Next: 48.4
Up: 48

Linked texts (1)

Suśrutasaṃhitā — Suśruta & Nāgārjuna (siddha/alchemist), Sanskrit