The Compendium of Suśruta 5.7
Bhānumatī 5.7
- Language
- Sanskrit
5.7
tataḥ praśasteṣvityādau praśasta eva tithyādau kṛtaṃ karma sidhyatyavighneneti darśayati | bhuktavato balavattayā śastravedanāsahatvāduktaṃ- bhuktavantamiti | prācyā diśaḥ praśastatvāt prāṅmukhamiti | śastrapātapīḍācalanenānyatra śastrāghātaśaṅkānirāsārthaṃ yantrayitveti | pratilomaṃ romopaghātāt śastrakuṇṭhatā tīvrā ca ruk sambhavati, ata uktam - anulomamiti | āpūyadarśanādityanena pūyaprāptau dūraṃ śastrapraṇidhānaṃ niṣedhayati | sakṛditi ekavārameva | āśu ceti āśveva na ciraṃ, cakāra evakāraśca samuccaye | śastrapadaprasāraṇaṃ niyamayannāha-mahatsvapītyādi | dvyaṅgulamiti dvyaṅgulāyatam, evaṃ tryaṅgulamiti | dvyaṅgulaṃ tryaṅgulaṃ vā atimahādeśe gambhīrapāke ca | gambhīratāpramāṇaṃ ca pūyadarśanādityanenaiva darśitam; anye tu gāmbhīrya eva dvyaṅgulādi varṇayanti |