The Compendium of Suśruta 51.85

Bhānumatī 51.85

Language: Sanskrit

51.85

takramityādi takraguṇaḥ | takramiha pādajalamardhajalaṃ vā uddhṛtasnehamevocyate, ata eva rūkṣamityuktaṃ; mandamanuddhṛtasnehaṃ ca takraṃ tathā'rdhoddhṛtasnehaṃ ca tadapi sādhyaviśeṣe bhavatyeva | yaduktaṃ carake- "rūkṣamardhoddhṛtasnehaṃ yataścānuddhṛtaṃ ghṛtam | takraṃ doṣāmibalavit trividhaṃ tat prayojayet" (ca. ci. a. 14) iti | yat punarddhi mathitamātreṇa takraṃ taddadhiguṇameva, manthanasaṃskāreṇa paraṃ manāk lāghavaṃ janitam | garaḥ kṛtrimaviṣam |

Previous: 50.83
Next: 51.87
Up: 51

Linked texts (1)

Suśrutasaṃhitā — Suśruta & Nāgārjuna (siddha/alchemist), Sanskrit