The Compendium of Suśruta 54.132

54.132

draveṣu kramāt pittavātaharapradhāne ghṛtataile abhidhāya śleṣmaharapradhānaṃ madhu nirdiśati— madhvityādi | uktaṃ hi carake'pi—"tailaṃ sarpirmadhviti vātapittaśleṣmapraśamanapradhānāni bhavanti” ( ca. vi. a. 1) iti | sukumāramiti saukumāryajanakatvāt | sandhānaṃ bhagnādisandhānakaram | atra ladhviti paṭhyate tathā tridoṣapraśamanamiti ca, taccarake viruddhayate; tatra hi “vātalaṃ guru śītaṃ ca raktapittāpahaṃ madhu” (ca. sū. a. 27) iti paṭhitaṃ; teneha ladhviti laghupākaṃ, tridoṣaghnatvaṃ ca prabhāvānmilitatridoṣārabdhajvarādiharatayā jñeyaṃ, pṛthagvātajananaṃ carake proktam | tatra laghupākādityādinā militatridoṣaharaṇa evopapattirvarṇyate | anye tvatra laghutvaṃ madhunaḥ purātanatayā vadanti, navaṃ tu madhu gurveva |