The Compendium of Suśruta 124.2

124.2

cikitsāsthānānantara kalpasthānamārabhyate, yataścikitsāsthānādibhūte dvivraṇīyādhyāye ‘viṣajuṣṭasya vijñānaṃ vipaniścayameva ca | cikitsitaṃ ca vakṣyāmi kalpe tu pravibhāgaśa’ ityanena ślokena viṣajuṣṭavraṇasya kalpasthāne pratipādanaṃ sūcitaṃ tasmāt, tatrāpi svasthasya vyādhikṣīṇasya cānnenaiva prāṇānā dhāraṇaṃ kriyate'ta. prāgannapānarakṣākalpaṃ vyālyātukāma prāha-athāta ityādi | anne bhakṣyamavaruddhaṃ ghanasādharmyāt, pāne lehyamavaruddhaṃ dravasādharmyāt, evaṃ caturvidhasyāpi rakṣākalpa.| rakṣaṇa rakṣā, sā punaraduṣṭasya, duṣṭasya puṃnarviṣameṣajakalpanāt kalpa, rakṣayā sahita kalpo rakṣākalpa | ādiśabdo'tra luptanirdiṣṭo draṣṭavya , tena dantakāṣṭhādīnāmapi lakṣaṇacikitsitakalpanam |