The Compendium of Suśruta 124.78
Nibandhasaṅgraha 124.78
- Language
- Sanskrit
124.78
āvasthikī kriyāṃ nirdiśannāha - viṣopasarga ityādi| upadravān vīkṣya cikitsitaṃ vidadhītetyāha - mahāsugandhimityādi | mahāsugandhistu 'candanāgaruṇī kuṣṭhaṃ' ityādi yāvat 'mahāsugandhināmaiṣa padmrāśīlaṅgasabhava ' iti | vidadhītāñjaneṣu ceti bahuvacanādguḍikācūrṇarasakriyārūpeṣu, cakāreṇa pariṣekakavalādiṣvapi | āśayānurodhena cikitsā nirdeśannāha- virecanānītyādi | prāptaṃ yuktam | idānī prabhāvakṛta cikitsita nirdeśannāha - mūṣiketyādi | ajaruhālakṣaṇamuśanasā proktam, - "kanda śveta sapiṃḍako bhede chājanasannibha | gandhalepanapānestu viṣaṃ jayate nṛṇām || daṣṭānā viṣapītānāṃ ye cānye viṣamohitā | viṣaṃ jayate teṣā tasmādajaruhā smṛtā || mūṣikā lomaśā kṛṣṇā bhavet sā'pi ca tadguṇā"- iti || 75-78 ||-