The Compendium of Suśruta 131.82

131.82

īṣatsakaṇḍu pracalamityādi | īṣatsakaṇḍu kiñcitkaṇḍūyuktaṃ, pracalaṃ pracalanaśīlam | gayadāsastu pravalamiti paṭhitvā vyākhyānayati—pravalamīṣat prathamadine, dvitīyādiṣu dineṣu tu pravalataraṃ krameṇa pravalatamaṃ ca; yadāha,–“ṣaṣṭhe dine viprasṛtaṃ tu sarvān marmapradeśān bhṛśamāvṛṇoti”—iti | sakoṭhaṃ kiñcit koṭhayuktaṃ, koṭhaśca varīdarśanasthāna | darśayatīha rūpamiti rūpaṃ cātra tantrāntaroktaṃ jvararomaharṣaraktamaṇḍalādikam | tathāca vṛddhavāgbhaṭa ,– “tṛtīye sajvaro romaharṣakṛdraktamaṇḍala | śarāvarūpastodāḍhyo romakūpeṣu sāsrava ”—iti | kopameti unmārgapravṛttaṃ bhavati, tato'dhike pañcamadine unmārgapravṛttaṃ sat viṣakopaprabhavān vikārān karoti | 'tṛvṛdāhakaṇḍūpravalaṃ' iti kecit || 80–82 ||