The Compendium of Suśruta 147.32

147.32

tadeva vidhānamāha—vartmatyādi | nirbhujya parivarttya, uttānaṃ kṛtvetyartha | kecidasumeva pāṭhamanyathā kṛtvā paṭhanti, sa ca varttamānapustakeṣu na dṛśyate, ato na likhita | teṣā karmaṇi kṛte pratisāraṇamāha—tata ityādi | pratisārayed gharṣayet | śastrakarmāvaśiṣṭānāmarśaādīnā cikitsāmāha—sthita ityādi | samyag yogena, śalākayeti vastrācchāditā dṛṣṭi kṛtvā agnitaptaśalākayā vyāviśeṣaṃ dahet, kṣāreṇāvalikhecca | sarveṣvevokteṣu chedyarogeṣvanirdiṣṭaṃ bheṣajaṃ nirdiśannāha—tīkṣṇairityādi | ubhayatobhāgairvamanīyavirecanadravyai | doṣa vraṇagatā doṣaduṣṭi, etenaitadukta bhavati—vāmanīyavirecanīyadravyāṇā kalkakaṣāyādinā vraṇaśuddhi karttavyetyartha | kecidvamanavirecanaireva kaphādikaṃ doṣa nirharediti manyante, etacca pañjikākāreṇa dūṣitam || 30–32 ||-