The Compendium of Suśruta 172.45

172.45

sannipātajvarasya mokṣavadhayoravadhimāha - saptame divase prāpte ityādi | śīghramadhyamandaśaktikatvāttārīnāṃ saptame dine vātādhika sannipātajvara', daśame dine pittādhika, dvādaśe dine śleṣmādhiko vimuñcati malapākāt, hanti ca dhātupākāt, yadi hi tasya dīrghajīvanaṃ (ne) karmāsti tadā malapāko bhavati, anyathā dhātupākaḥ | anye tu saptāhe'bhinyāso, daśāha hataujā, dvādaśāhe sanyāsa, malapākānna praśama yāti vātupākāddhantīti manyante | dhātupākasya lakṣaṇamāha - "savādhyamāno hṛdi nābhideśe gātreṣu vā pākarujonjhiteṣu | pakveṣvivāṃcchati raja jvarāte sa dhātupākī kathito bhiṣagbhi "-iti | śakunairyariṣṭairvā maraṇakārī dhātupākī (ko) jñeya iti vṛddhā | dvādaśe'pi vetyatrāpiśabdāddvādaśikoktaḥ sannipātajvarasya mokṣavadhayoravadhi. prāpyate | tena “saptamī dviguṇā yā tu navamyekādaśī tathā| eṣā tridoṣamaryādā mokṣāya ca vadhāya ca" iti labdham | punarghoratara iti puna.śabdāt pūrvaṃ ghora āsīt tata punarghoratara iti labhyate |
-
idānīṃ prakṛtisamavetāstrividhā dvandvajajvarā ucyantedvidoṣocchrāyaliṅgā ityādi | dvidoṣocchrāyetyucchrāyagrahaṇaṃ dvayordoṣayo. svakāraṇocchritatvajñāpanārthaṃ, trividhatvamatra samavṛddhadvidoṣajāpekṣayeti |