The Compendium of Suśruta 34.2

34.2

atra chāyāśabdānantaraṃ rūpādipraśabdanirdeśādgīśrutyādivipratipattayo grāhyāḥ | varṇaprabhāśritā yā bhavati sā chāyāśabdenocyate | chāyāprabhayostu bhedaḥ śāstrakārairuktaḥ | tathāca,—“varṇamākrāmati cchāyā prabhā varṇaprakāśinī | āsannā lakṣyate chāyā prabhā dūrācca lakṣyate”—iti | na kevalaṃ varṇaprabhācchāyānā lakṣaṇabhedaḥ, saṃkhyābhedo'pyasti; tathāhi,—caturvidho varṇaḥ—gauraḥ, kṛṣṇa, śyāmaḥ, gauraśyāma iti; prabhā saptavidhā—raktā, pītā, sitā, śyāvā, haritā, pāṇḍurā, asitā, iti; chāyā pañcavidhā—snigdhā, vimalā, rūkṣā, malinā, saṃkṣiptā, iti |