The Compendium of Suśruta 37.35

Nibandhasaṅgraha 37.35

Language: Sanskrit

37.35

balaparīkṣāṃ nirdiśannāha, - balamityādi | abhihitaguṇaṃ kathitaguṇaṃ, oja somātmakamityādinā | anupadiṣṭamapi cikitsopayogi daurbalyaṃ kāraṇabhedena nirdiśannāha, - daurbalyamityādi | svabhāvānmātṛpitṛśoṇitaśukrasvabhāvādityarthaḥ, doṣairvātādibhiḥ, jarayā vārdhakayenetyarthe, avekṣitavyaṃ svabhāvādibhirjñātavyamityarthaḥ | anye tu 'avekṣitavyam' ityatra sthāne 'jarāpekṣitaṃ bhavati' iti paṭhanti vyākhyānayanti ca, yathā - kṣīrapāt kṣīrānnādaḥ kṣīrānnādādannādaḥ kṛśa iti | balaprādhānyaṃ darśayannāha, - yasmādityādi | pravṛttiranuṣṭhāna karaṇamityarthaḥ | anye pratipattiriti paṭhanti | tatrāpi sa evārthaḥ | adhikaraṇānā kriyādhārāṇām |

Previous: 37.34
Next: 37.36
Up: 37

Linked texts (1)

Suśrutasaṃhitā — Suśruta & Nāgārjuna (siddha/alchemist), Sanskrit