The Compendium of Suśruta 4.37

4.37

śālākyatantraṃ samāpya kumāratantraṃ darśayannāha, - navagrahetyādi | skandasya ca niṣedhanaṃ skandagrahapratiṣedhādhyāya., apasmāraśakunyośceti skandāpasmārapratiṣedhādhyāyaḥ, śakunipratiṣedhādhyāya | revatyāśca punaḥ pṛthagiti revatīpratiṣedhādhyāyaḥ | pūtanāyā iti pūtanāpratiṣedhādhyāya | tathā'ndhāyā ityatrāpi pūtanāśabdaḥ sabadhyate; tena andhapūtanāpratiṣedhādhyāya | śītapūtaneti śītapūtanāpratiṣedhādhyāya | maṇḍiketi mukhamaṇḍikāpratiṣedhādhyāya | naigameṣacikitsā ceti naigameṣapratiṣedhādhyāyaḥ| grahotpattiriti grahotpattipratiṣedhādhyāyaḥ | sayoniriti yonivyāpatpratiṣedhādhyāya, saśabda sahārthe | kumāratantramiti itiśabdaḥ kumāratantraparisamāptau | kimetāvadeva kumāratantramathavā'nyadapyastīti pṛṣṭa āha- śārīreṣu ca kīrtitamiti | kiṃ tatt śārīreṣūktaṃ ? tadyathā-rajaḥśuddhi, garbhāvakrāntirityādi || 35-37 ||
kā punaruttaratantre kāyacikitseti darśayannāha, - jvaretyādi | niṣedhaḥ pratiṣeva, sa ca jvarādibhi saha pratyekaṃ sabadhyate, tena jvarapratiṣedho'tīsārapratiṣedha ityādi draṣṭavyam | pānajāśca ya iti madyapānajāśca ye rogāsteṣā pratiṣedha, etena pānātyayapratiṣedha ityuktam | svarabhedacikitsā ceti svarabhedapratiṣedha | mūtrāghātavikṛcchrayoriti viśabdaśchandaḥpūrtaye, tena mūtrāghātapratiṣedhaḥ, mūtrakṛcchrapratiṣevaḥ| iti kāyacikitsāyāḥ śeṣamatra prakīrtitamiti itiśabda. samāptau, atra uttaratantre, kāyacikitsāyāḥ śeṣaṃ prakīrtitaṃ nirdiṣṭaṃ, śeṣaśabdena śalye'pi nirdiṣṭamiti bodhayati || 38-40 ||