The Compendium of Suśruta 47.7
Nibandhasaṅgraha 47.7
- Language
- Sanskrit
47.7
tatretyādi | dhārābhi patatīti dhāram | karā varṣopalāsteṣā toyaṃ kāram | tauṣāramavaśyāyajaṃ niśārjalam | tadeva saṃhatāvayavatvena sphaṭikaśilāśakalasadṛśāvayavaṃ hima, tadbhavaṃ haimam | tadityādi | gāṅgamākāśādhiṣṭhānaṃ, sāmudraṃ punaravanyadhiṣṭhānam | tatretyādi | etena gāṅgamāśvayuja eva grahītavyaṃ na bhādrapade māsītyuktaṃ bhavati | tayoriti tayorgāṅgasāmudrayorityartha | kathaṃ parīkṣaṇamityāha, - śālyodanetyādi | avidagdhamavivarṇam | rūpyamaye bhājane'mlarase sāmudratoyaṃ vinā śālyannaṃ na koyameti | dinasya rātreśca pañcadaśo bhāgo muhūrtaḥ | avagantavyaṃ jñātavyamityartha | varṇānyatve ityādi | prakkeda kotha | tannopādeyamiti doṣalatvāt | sāmudramityādi | etena sāmudrasyānupādeyasyāpi kadācidevopādeyatā darśitā | āntarikṣasya grahaṇopāyaṃ darśayannāha, - śucītyādi | śuciranupahataḥ | harmyatalaparibhraṣṭamiti dhavalagṛhoparibhūmikāyāḥ sakāśādadha. patadgṛhītam | tadityādi kaupamityādikaṃ sarvaṃ prāgeva vyākhyātam |
Linked texts (1)
- Suśrutasaṃhitā — Suśruta & Nāgārjuna (siddha/alchemist), Sanskrit