The Compendium of Suśruta 47.9

Nibandhasaṅgraha 47.9

Language: Sanskrit

47.9

idānīṃ navasya salilasya bāhyābhyantaraprayoge bāhyābhyantarāṃneva ca rogānnirdiśannāha, -kīṭetyādi | kīṭādibhi saha kothaśabda pratyekamabhisambadhyate, kotha śaṭitatvaṃ, kīṭāḥ saviṣā vṛścikādayaḥ, śavo mṛtaprāṇiśarīraṃ, pradūṣitaṃ vikṛtīkṛtam | tṛṇaparṇotkarayutamiti tṛṇaparṇānāmutkara samūhastena yutam | kaluṣaṃ malinam | viṣasaṃyutamiti sthāvarajaṅgamaviṣayuktamityarthaḥ | varṣāsviti āśvayujaṃ vihāyāṣāḍhaśrāvaṇabhādrapadā gṛhyante | varṣāśabdo'ya prāvṛṣi varṣāsu ca vartate | tadāha, - "varṣāsu caturo māsān māntrāvadudakaṃ pibet" iti | bāhyābhyantarān rogāniti bāhyā kuṣṭhādayaḥ, ābhyantarāstūdaramayādayaḥ | te ca yathāsaṃkhyamavagāhapānābhyā jñeyāḥ |

Previous: 47.8
Next: 47.11
Up: 47

Linked texts (1)

Suśrutasaṃhitā — Suśruta & Nāgārjuna (siddha/alchemist), Sanskrit