The Compendium of Suśruta 76.35
Nibandhasaṅgraha 76.35
- Language
- Sanskrit
76.35
evaṃvidhapūrvajanmanā rūpavattvamuktvā, rūpaṃ ca taijasaṃ varṇādiprabhākharatvamato varṇasaṃbhavahetuṃ darśayannāha, – tatretyādi | tejodhātu- tejobhūtam | sarvavarṇānā prabhavaḥ kāraṇam | sa tejodhāturgarbhotpattau garbhādhānakāle yadā, abdhātuprāyo bhavati āpyadhātubahulo bhavatītyarthaḥ | ekīyamatamāha, – yādṛgityādi | tejodhāturūpavarṇaprasaṅgena tanmayādyadhiṣṭhānavikṛtyā jātyandharaktapiṅgaśuklavikṛtākṣāṇāṃ saṃbhavaṃ darśayannāha, – tatra dṛṣṭītyādi | caturthe māsi kasyacit pūrvakarmavaśāddṛṣṭibhāgaṃ cakṣurindriyādhiṣṭhānaṃ, apratipannamaprāptaṃ tejo, jātyandhaṃ janmāndha karoti |