The Compendium of Suśruta 77.18
Nibandhasaṅgraha 77.18
- Language
- Sanskrit
77.18
tatretyādi | kalalaṃ siddhāṇaprakhyam | dvitīya ityādi | śīta śleṣmā, ūṣmā pittaṃ, kaphānilayorapyuṣmasaṃbhavāt pariṇāmahetutvam | taduktaṃ carake, - "bhaumāpyāgneyavāyavyāḥ pañcoṣmāṇa sanābhasā " - iti | ghanaḥ kaṭhina | yadītyādi | piṇḍo vartalākṛtiḥ, peśī dīrghākṛti, arbuda vartulaphalārdhamiti | gayī tu bhojadarśanāt piṇḍādīnāmanyathā''kāraṃ paṭhati | yathā, - "caturastrā bhavet peśī, vṛtta piṇḍo ghana smṛtaḥ | śālmalīmukulākāramarbudaṃ paricakṣate" - iti | tṛtīye ityādi | śākhāstathā mūrdhora pṛṣṭodarāṇyaṅgāni, cibukanāsoṣṭhaśravaṇāṅgulipārṣṇiprabhṛtīni pratyaṅgāni | caturthe ityādi | tatsthānatvāt hṛdayasthānatvāt |
indriyārthā śabdasparśarūparasagandhāḥ | dvihṛdayāmiti dvitīyaṃ hṛdayaṃ yasyāḥ sā dvihṛdayā, tām | dauhṛdetyādi | kuṇiṃ vikṛtahastam | tatra kubjādiṣvavayavasamudāyaindriyādhiṣṭhānajo doṣo dauhṛdavimānanajanito yathāśāstramūhyaḥ |
Linked texts (1)
- Suśrutasaṃhitā — Suśruta & Nāgārjuna (siddha/alchemist), Sanskrit