The Compendium of Suśruta 85.4

Nibandhasaṅgraha 85.4

Language: Sanskrit

85.4

athāgantuvraṇasya karmaviśeṣaprayojanaṃ darśayannāha-sarpissnehityādi | tatkālameveti yatkālamevābhighātāt kṣatamutpadyate tasminneva kāle | kṣatoṣmaṇa iti ūṣmā prahārasaṅghaṭṭajanitastejaḥ | prasrutasya vistrutasya | vidhiviśeṣo vidhānabhedaḥ | hetupratyanīkaṃ karmībhidhāya vyādhipratyanīkaṃ darśayannāha - sandhānārthaṃ cetyādi | cakāraḥ kṣatoṣmaṇo nirvāpaṇārthaṃ tathā mārgāvarodhakuddhavātaraktaśamanārthaṃ ca | vakṣyamāṇaśārīravraṇotthānaprayojanaṃ manasi sapradhāryāha - etadvikāraṇotthānaprayojanamiti | uttarakālamiti saptāhādūrdhvamityarthaḥ, yataḥ sadyovraṇatvaṃ saptāheneva | doṣopaplavaviśeṣāditi doṣairanilādibhirupaplavo dūṣaṇaṃ tadbhedāt |

Previous: 85.3
Next: 85.5
Up: 85

Linked texts (1)

Suśrutasaṃhitā — Suśruta & Nāgārjuna (siddha/alchemist), Sanskrit