The Compendium of Suśruta 85.74

85.74

idānīṃ kaṣāyādibhedena pratyekaṃ saptavidhasya śodhanasya ropaṇasya ca sarvavraṇaviṣayatvaṃ darśayannāha—śodhana ityādi | atra sudhīra —eṣa sarvavraṇānāṃ śārīrāgantūnā sāmānyenokto vidhiḥ | kasmāt ? doṣāviśeṣataḥ; aviśiṣṭā hi vātapittaśleṣmāṇo dūṣakāḥ śārīrāṇāmāgantūnāṃ ca vraṇānām; uktaṃ ca,—“kālāntareṇa doṣopaplavaviśeṣācchārīravat pratikāra” iti; 'doṣaviśeṣata' iti pāṭhe doṣaviśeṣato doṣavibhedataḥ; śeṣaṃ samam | kecittu-sāmānyenoktastilanimbakalkādiḥ, doṣaviśeṣataścokta ādye dve pañcamūlyāvityādi, iti luptanirdiṣṭaṃ cakāraṃ varṇayanti | gayī tu-sarvavraṇānā vidradhyādyaśeṣavraṇānāmayameva vidhiruktaḥ; kutaḥ ? yato vraṇasāmānyenoktaḥ, sa ca vidhirdoṣaviśeṣata iti doṣaviśeṣamapekṣya kārya iti vyākhyānayati |