The Compendium of Suśruta 85.93

85.93

idānīṃ rūḍhasyaiva vraṇasya prakṛtibhāvārthaṃ paścātkarmārambhaḥ | tatra pūrvaṃ śuklasyaiva kṛṣṇīkaraṇamāha—duruḍhatvādityādi | prāk pūrvaṃ saptāhaṃ gavyamūtrabhāvitān bhallātakān gavyakṣīre vāsayet sthāpayet, atra kālasyānuktatvādvakṣyamāṇarohiṇīphalakṣīravāsanavat saptarātrameva vāsanaṃ kāryam | kumbhe'nyasminnityādi anyasmin kumbhe nikhāte kumbhaṃ yojayet yatra kumbhe bhallātakāni nikṣipyante; kathaṃ yojayedityāha—mukhaṃ mukhenetyādi | tamapi kumbhaṃ nirantaracchidritāpidhānaṃ kṛtvā yojayet; anyathā'nāvṛtamukhāduparigatakumbhādbhallātakā abhyante | grāmyānūpaśaphāni ti grāmyā aśvādaya , ānūpā mahiṣādayaḥ, śaphān khurān | kṛṣṇīkaraṇe snehānaparānapi nirdiśannāha—bhallātaketyādi | ye ca kecit piṇḍitakavibhītakādisnehāsteṣāmapyetadeva bhallātakasnehaniṣpādanavadvidhānaṃ, teṣu madhye ye kṛṣṇīkaraṇāsteṣā grāmyādiśaphadāhabhasmacūrṇamiśrāṇāmavacāraṇamiti bhāvaḥ ||89–93||