The Compendium of Suśruta 89.23

Nibandhasaṅgraha 89.23

Language: Sanskrit

89.23

gṛdhrasyādīnāṃ cikitsāvidhānamāha - gṛdhrasītyādi | yathoddeśaṃ ceti cakāreṇa kroṣṭukaśīrṣakavātaśoṇitacikitsāvekṣaṇaṃ ca | dhātukṣayanimittavātakopajanito'vabāhuka', ato'nyatrāvabāhukāditi vākyena sirāvyadho niṣidhyate | gayī tu, anyatrāvabāhukāt vātavyādhicikitsitamavekṣeteti saṃbadhnāti; tathāhi vātavyādhicikitsite yat snehasvedādikaṃ tadavabāhuke kaphasthānasaṃbhavatvena kaphānupretavātaje viruddhaṃ, tatra hi svedanasyādikaṃ vidheyaṃ rūkṣameva; na tu sirāvyadhaṃ kuryādanyatrāvabāhukāditi saṃbandhaḥ, yato'sraṃśoṣe'vabāhuke ca sirāmokṣasya sirāvyadhavidhāne coktatvāt | gṛdhrasyādiṣu vātavyādhicikitsite kṛte paścācchoṇitāvaraṇaṃ niścitya sirāvyadho vidheya iti |

Previous: 89.22
Next: 89.24
Up: 89

Linked texts (1)

Suśrutasaṃhitā — Suśruta & Nāgārjuna (siddha/alchemist), Sanskrit