The Compendium of Suśruta 89.45
Nibandhasaṅgraha 89.45
- Language
- Sanskrit
89.45
asmādanantaramūrustambhasyopayogāītvādguggulukalpamāha— sugandhirityādi | sūkṣmamārgāvagāhitvāt sūkṣmaḥ | atra triphalādārvāpaṭolaiḥ tribhirdravyaireko yoga, kuśeneti dvitīya | vāriśabdo'tra kāthe vartate tarhi dvivacanameva katha na dattaṃ ? satyaṃ, vahuvacanāccaturbhirapi dravyairanyo yogo mantavya iti | kṣārairiti kṣārodakai, kṣīrairityanye paṭhanti | pānaṃ bhojana ca vātapittakapharogapekṣayā prakṛtyapekṣayā sātmyāpekṣayā vā | sugandhirityādi pāṭhaṃ jejjaṭācāryā'nārṣaṃ varṇayati, gayadāsena vyākhyātatvānprayā'pi vyākhyātaḥ || 40—45 || iti śrīḍalhaṇaviracitāyā nibandhasaṃgrahākhyāyāṃ suśrutavyākhyāyā cikitsāsthāne pañcamo'dhyāyaḥ |