The Compendium of Suśruta 1.42.3

Suśrutasaṃhitā 1.42.3

Language: Sanskrit

1.42.3

ākāśapavanadahanatoyabhūmiṣu yathāsaṅkhyamekottaraparivṛddhāḥ śabdasparśarūparasagandhāḥ tasmādāpyo rasaḥ / parasparasaṃsargāt parasparānugrahāt parasparānupraveśācca sarveṣu sarveṣāṃ sānnidhyamasti utkarṣāpakarṣāttu grahaṇam / sa khalvāpyo rasaḥ śeṣabhūtasaṃsargādvidagdhaḥ ṣoḍhā vibhajyate tadyathā madhuro+amlo lavaṇaḥ kaṭukastiktaḥ kaṣāya iti / te ca bhūyaḥ parasparasaṃsargāttriṣaṣṭidhā bhidyante / tatra bhūmyambuguṇabāhulyānmadhuraḥ bhūmyagniguṇabāhulyādamlaḥ toyāgniguṇabāhulyāllavaṇaḥ vāyvagniguṇabāhulyātkaṭukaḥ vāyvākāśaguṇabāhulyāttiktaḥ pṛthivyanilaguṇabāhulyātkaṣāya iti //

Previous: 1.42.2
Next: 1.42.4
Up: 1.42

Commentaries (1)

Nibandhasaṅgraha — Ḍalhaṇa, Sanskrit