Cakradatta (Cikitsasangraha) 63.93

63.93

25ṣaṣṭhe divase māse varṣe vā gṛhṇāti śaku-
nikā nāma mātṛkā . tayā gṛhītamātreṇa prathamaṃ
bhavati jvaraḥ . gātrabhedaṃ ca darśayati divārātrā-
vutthānaṃ bhavati ūrdhvaṃ nirīkṣate . baliṃ tasya pra-
vakṣyāmi yena sampadyate śubham . piṣṭakena putta-
likāṃ kṛtvā śuklapuṣpaṃ raktapuṣpaṃ pītapuṣpaṃ gandha-
tāmbūlaṃ daśa pradīpāḥ daśadhvajāḥ daśasvastikāḥ
daśamuṣṭikāḥ daśavaṭakāḥ kṣīrajambūḍikā matsyamāṃ-
sasurā āgneyyāṃ diśi niṣkrānte madhyāhne baliṃ
dāpayet . śāntyudakena snāpayet . śivanirmā-
lyarasonaguggulusarpanirmokanimbapatraghṛtairdhūpaṃ da-
dyāt . “oṃṃnamo nārāyaṇāya cūrṇaya cūrṇaya
hana hana svāhā” caturthadivase brāhmaṇaṃ bhojaye-
ttataḥ sampadyate śubham .. 93 ..

On the sixth day, month, or year, the mātṛkā named Śakunikā seizes [the child]. As soon as it is seized by her, fever occurs first. [The child] displays aching limbs, starts up day and night, and looks upward. I shall declare the offering for it by which good fortune is attained: having made an effigy out of flour, one should present the offering consisting of white flowers, red flowers, yellow flowers, perfume, betel, ten lamps, ten flags, ten svastikas, ten handbreadths [of grain], ten vaṭaka cakes, jamun fruits preserved in milk, fish, meat, and liquor, in the south-eastern direction at noon outside [the settlement]. One should bathe [the child] with water for pacification. One should fumigate it with the remains of Śiva's flower-offerings, garlic, guggulu, slough of a snake, neem leaves, and clarified butter: “Oṃ, salutation to Nārāyaṇa! Crush, crush! Slay, slay! Svāhā.” On the fourth day, one should feed a brāhmaṇa; then good fortune is attained. // 93