Virasimha 13.p1.5

13.p1.5

pralipya dārvāmatha lākṣayā vā prataptayā svedanamasya kāryam nipātya vāśastramapohya medo dahetsupakvaṃ tvathavā vidāryam| prakṣālya mūtreṇatilaiḥsupiṣṭaiḥsuvarcikādyairharitālamiśraiḥ|| sasaiṃdhavaiḥ kṣaudraghṛtapragāḍhaiḥ kṣārottarairena mabhipraśodhya | tailaṃvidadhyādvikaraṃjaguṃjāvaṃśāvalepaṃgudamūtrasiddham || jīmūtakīkośavatīphalaiścadaṃtīdravaṃtī trivṛtāsu caiva | sarpiḥ kṛtaṃ haṃtyapacīṃ pravṛddhāṃ dvidhāpravṛttaṃ tadudāravīryam|| nirguṃḍijātībahupuṣpayuktaṃ jīmūtakaṃ mākṣikasaiṃdhavājyam|| karkārukaurvārukanālikerapriyālapaṃcāṃgulabījacūrṇaiḥ || vātābudaṃ kṣīraghṛtāmlasiddhairuṣṇaiḥ satailairupanāhayettu | kuryāccamukhyānyupanāhanāni siddhaiśca māṃsairatha veśavāraiḥ || syaṃdaṃvidadhyātkuśalaśca nāḍyāḥśṛṃgeṇa yuktaṃ bahuśo harecca vātaghnaniryūhapayomlabhāvaiḥ siddhaṃ śatākhyaṃtrivṛtaṃpibedvā || svedopanāhāmṛduktasupathyaṃ pittārbude kāyavirecanaṃ ca | vighṛṣya coduṃbaraśākagojīpatrairbhṛśaṃ kṣaudrayutaṃ viliṃpet || ślakṣṇīkṛtaiḥ sarjarasapriyaṃgupataṃgarodhrāṃjanayaṣṭikādvaiḥ | visrāvyacāragvadhagojisomāḥśyāmāprayojyākuśalenalepe śyāmāgirīhvāṃjalikāraseṣu drākṣārase saptalikārase ca | ghṛtaṃpibetklītakasaṃprasiddhaṃ pittārbudī tajjaṭharī ca jaṃtuḥ || śuddhasyajaṃtoḥkaphaje'rbude tu rakte ca sikte tu tato'rbudaṃtat dravyāṇiyānyūrdhvamadhaścadoṣāharaṃtitaiḥ kalkakṛtaiḥpradihyāt kapotapārāvataviḍvimiśraiḥ sakāṃsyanīlaiḥśukalāṃgalākhyaiḥ | mūlaistu kākādanimūlamiśraiḥ kṣāraprasiddhairatha vā pradihyāt ||