Virasimha 13.p1.6
Vīrasiṃha 13.p1.6
- Language
- Sanskrit
13.p1.6
niṣpāvapiṇyākakulatthakalkairmāṃsaḥ pragāḍhairdadhimastuyuktaiḥ | lepaṃ vidadhyātkṛmayo yathātra mūrchati muṃcaṃti ca makṣikāśca || alpāvaśiṣṭaiḥkṛmibhiḥkṛtecalikhettatoniṃvidadhītapaścāt yadalpamūlaṃ traputāmrasīsapaṭṭaiḥ samāveṣṭya tadāyasairvā || kṣārāgniśastrāṇyasakṛddidadhyātrāṇādihiṃsābhayato'pramattaḥ | āsphoṭajātīkaravīrapatraiḥ kaṣāyamiṣṭaṃ vraṇaśodhanārtham || śuddhe ca tailaṃ vidadhīta bhārgīviḍaṃgapāṭhātriphalāvipakvam| yadṛcchayā copamatānupākaṃ pākakrameṇopacaredbhiṣagjñaḥ || medo'rbudaṃsvinnamatho vidārya viśodhya sīvyeddrataraktamāśu| tato haridrāgṛhadhūmarodhrapataṃgacūrṇaiḥ samanaḥśilailaiḥ || vraṇaṃ pratigrāhya madhupragāḍhaiḥ karaṃjatailaṃ vidadhīta śuddhau | saśeṣadoṣāṇi hiyorbudāni karoti tānyāśu punarbhavanti| tasmādaśeṣāṇisamuddharettu hanyuḥ saśeṣāṇiyathāhi vahniḥ|| ityarbudacikitsā | iti vīrasiṃhāvaloke galagaṃḍagaṃḍamālāpacīgraṃthyarbudādhikāraḥ || atha jyotiṣaśāstrābhiprāyeṇa ślīpadarogasya hetumāha tatpratīkāraṃ ca | akulīno vikalāṃgaścapalo dhṛṣṭaśca jāyate manujaḥ | mukharo nityaṃ ślīpadī kujabudhabhṛgunaṃdanaiḥ sahitaiḥ || atha maṃgalabudhaśukropajanita ślīpadarogabādhopaśāṃta ye grahatrayaprītaye yasyayasya yaduktaṃ tatprāguktameva kāryam| atha ślīpadarogasya karmavipākahetumāha tatpratīkāraṃ ca | svagotrahyabhigāmī syādyo'nyāṃ vā ślīpadī bhavet asya prāyaścittam| asau cāṃdrāyaṇamekaṃ payovrataṃ ca kuryāt | tadanukalpena suvarṇaṃ dadyāt | paṃcāśadbrāhmaṇa bhojanaṃ kārayet | iti vacanāt |
Linked texts (4)
- Cakradatta (Cikitsāsaṅgraha) — Cakrapāṇidatta, Sanskrit
- Siddhayoga (Vṛndamādhava) — Vṛnda, Sanskrit
- Cikitsāsārasaṅgraha (Vaṅgasena) — Vaṅgasena, Sanskrit
- Vīrasiṃhāvaloka — Vīrasiṃha, Sanskrit