Virasimhavaloka 1.p15

1.p15

snānamuktamidamatra bhūbhṛtāṃ bodhanāśubhavināśanaṃ budhaiḥ || aṃge suvarṇaṃ dhāryaṃ | śaneraṃtargate rāhau atīsāradarśane ca kayānaścitraitimaṃtreṇa śaktyā japaḥ | tiladūrvāsamidbhiśca homaḥ| khaḍgadānam|rājāvarttaparidhānam|śanaiścaroktaṃ snānamaśitatilāṃjanetyādibhirauṣadhairiti || athātīsārarogasya karmavipākamāha |agnyupaśamī atīsārī bhavati taḍāgabhettā ca | yaduktaṃ padmapurāṇe | atīsārī ca bhavati yastretāgnivināśaka iti || somirasmītyṛcaṃ japet yathoktameva daśasahasrasaṃkhyayā tilājyadravyeṇa juhuyāt hiraṇyaṃ dadyāt|anyacca yathāha baudhāyanaḥ || suvarṇenātha tāmreṇa kuryātpratikṛtiṃ budhaḥ | vahnervibhavasāreṇa palenāddhena vā punaḥ iti || vahnipratikṛtilakṣaṇaṃ tu lokapālaprasaṃgena brahmāṃḍadānena darśitam || tathā jvālākulāṃ raktacaṃdanena vilepitām | raktavastreṇa saṃvītāṃ meṣasyopari saṃsthitām || raktamālyaistu saṃchannāṃ muktādāmapariṣkṛtām | kanakācalavarṇābhāṃ dvādaśārkanibhāṃ śubhām || brahmacaryānvite vipre taponiṣṭhe'gnihotriṇi | aṃgulīyakavastrādyairbhūṣite tāṃ nivedayet || maṃtreṇānena vidhivadagniprītyarthamādṛtaḥ | tretārūpo'gnirīḍyastvamaṃtaścarasi vai nṛṇām || tvaṃ vetsi prāktanaṃ pāpamatīsāraṃ vināśaya | evaṃ kṛtvā naraḥ samyagatīsāraṃ vyapohati || nirogaśca sukhī nityaṃ dīrghamāyuśca viṃdati | ityatīsāraharavahnimūrtidānam | athātīsāre sanidānaṃ cikitsitamāha rugviniścayāt || saṃśamyāpāṃ dhāturagniṃ pravṛddhaḥśakṛnmiśrovāyunādhaḥpraṇunnaḥ| saratyatīvātisāraṃ tamāhurvyādhiṃ ghoraṃ ṣaḍvidhaṃ taṃ vadaṃti || ekaikaśaḥsarvaśaścāpidoṣaiḥśokenānyaḥṣaṣṭhaāmenacoktaḥ | hṛnnābhipāyūdarakukṣitoda gātrāvaśādānilasaṃnirodhāt || vidbhaṃgasādhmānamathāvipākobhaviṣyatastasyapuraḥsarāṇi | laṃghanamekaṃ muktvā na cānyadastīha bheṣajaṃ balinaḥ | samudīrṇadoṣanicayaṃ śamayati tatpācayatyapi ca