Virasimhavaloka 1.p16
Vīrasiṃhāvaloka 1.p16
- Language
- Sanskrit
1.p16
dhānyodīcyamṛtaṃ toyaṃ tṛṣṇādāhātisāriṇe | hrīberaśṛṃgaverābhyāṃ mustāparpaṭakena vā || bilvagokṣurakairaṃḍayavakāṃjikasādhitā | āmātīsāraśūlaghnī madhuyuktā harītakī || bilvaśakrayavāṃbhojanāgarātiviṣākṛtaḥ | kaṣāyo haṃtyatīsāraṃ sāmaṃ pittasamudbhavam || sakṣaudrātiviṣā piṣṭā vatsakasya phalaṃ tvacam | taṃḍulodakasaṃyuktaṃ peyaṃ pittātisāranut || savatsakaḥ sātiviṣaḥ sabilvaḥ sodīcyamustaśca kṛtaḥkaṣāyaḥ | sāme saśūle sahaśoṇite ca cirapravṛttepi hitotisāre || dhānyanāgaramustaṃ ca vālakaṃ bilvameva ca | āmaśūlavibaṃdhaghnaṃ pācanaṃ vahnidīpanam || avedanaṃ susaṃpakvaṃ dīptāgneḥ sucirotthitam | nānāvarṇamatīsāraṃ puṭapākairūpācaret || tvakpatraṃ dīrghavṛṃtasya padmakesarasaṃyutam | kāśmarīpadmapatraiśca veṣṭaya sūtreṇa taṃ dṛḍham | mṛdāvaliptaṃ sukṛtamaṃgaurastaddhi pācayet | svinnamuddhṛtya niṣpāṭya rasamādāya taṃ tataḥ || śītaṃ kṛtvā madhuyutaṃ pāyayedatisāriṇam | tittiraṃ luṃcitaṃ samyaṅgānikṛṣṭaṃ tacca pūrayet || nyagrodhāditvacaḥ kalkairbaddhavā pakvaṃ ca pūrvavat | rasamādāya tasyātha susvinnasya samākṣikam || śarkarāsahitaṃ śītaṃ pāyayetodarāmayī | evaṃ prarohaiḥ kurvīta vaṭādīnāṃ vidhānavit || puṭapākān yathāyogān jāgratopahitāñchubhān | mustāvatsakabījaṃ mocaraso bilvadhātakī rodhram | mathitaguḍasaṃprayuktaṃ gaṃgāmapi vāhinīṃ ruṃdhyāt || tulāmathārddhāṃgirimallikāyāḥ saṃkuṭyapaktvā rasamādadīta| tasminsupūtepalasaṃmitāniślakṣṇāni piṣṭvāsahaśālmajena | pāṭhāsamaṃgātiviṣāsamustaṃbilvaṃcapuṣpāṇicadhātakīnām| prakṣipya bhūyo vipacecca tāvaddarvīpralepaḥ svarasastuyāvat pītastvasau kālavidājalena maṃdenavā'jāpayasātha vāpi | nihaṃti sarvaṃtvatisāramugraṃ kṛṣṇaṃ sitaṃlohitapītakaṃ vā || doṣaṃgrahaṇyāvividhaṃcaraktaṃ pittaṃ tathāśāṃsi saśoṇitāni | asṛgdaraṃ caivamasādhyarūpaṃ nihaṃtyavaśyaṃ kuṭajāṣṭakoyam || yathāmṛtaṃ tathā kṣīramatīsāreṣu pūjitam | cirotthiteṣu tatpeyamapāṃ bhāgaistribhiḥ śṛtam || ardhāvarta caturthāṃśamaṣṭabhāgāvaśeṣitam | atīsāreṣu pānīyamadhikasyādhikaṃ phalam || vāyuḥ pravarttate'dhastādardha vātaśca gacchati | yasyoccāraṃ vinā mūtraṃ samyagvāyuśca gacchati | dīptāgnerlaghukoṣṭhasya sthitastasyodarāmayaḥ
Linked texts (12)
- Bhāvaprakāśa (another edition) — Sanskrit
- Cakradatta (Cikitsāsaṅgraha) — Cakrapāṇidatta, Sanskrit
- Siddhayoga (Vṛndamādhava) — Vṛnda, Sanskrit
- Hārītasaṃhitā — Hārīta, Sanskrit
- Mādhavanidāna (Rugviniścaya) — Mādhavakara, Sanskrit
- Yogaśataka — Nāgārjuna, Sanskrit
- Gadanigraha — Soḍhala, Sanskrit
- Bṛhadyogataraṅgiṇī — Trimalla, Sanskrit
- Yogataraṅgiṇī (Trimalla) — Trimalla, Sanskrit
- Mādhavacikitsā — Mādhava Bhaṭṭa, Sanskrit
- Vaidyakasāroddhāra — Brajanāthaśarman, Sanskrit
- Vīrasiṃha — Bhoja, Sanskrit