Siddhasara p139

p139

etat palārdha-yogena recanaṃ jāṅgalāśinām gulmodāvarta-kuṣṭhārśo-vahni-sādodarānta-kṛt trivṛt-snuk-kṣīra-dhātry-ambu-kampillāhvaiḥ palāṃśikaiḥ saindhavārdha-palopetair haviḥ-kuḍavam ambhasi pakvam asmāt pibet karṣam uṣṇa-vāry-anupānakam sarva-gulmodara-dhvaṃsi sraṃsanaṃ bindu-saṃjñakam kākoly-ādi-mahātikta-vāsādyaiḥ pitta-gulminam snehitaṃ sraṃsayet paścād yojayed vasti-karmaṇā nyagrodhādeḥ kuśāder vā kvāthenotpala-pūrvakāt jīvanīyair ghṛtaṃ siddhaṃ pitta-raktottha-gulma-nut catur-guṇekṣu-dhātry-ambu-cetakī-pāda-sādhitam haviḥ pitta-kṛtaṃ gulmam āśu pītaṃ vyapohati pitta-gulme trivṛc-cūrṇaṃ pātavyaṃ tri-phalāmbunā virekāya sitā-yuktaṃ kampillaṃ vā sa-mākṣikam svedopanāhana-sneha-tīkṣṇa-sraṃsana-vastibhiḥ yogaiś ca vāta-gulmoktaiḥ śleṣma-gulmam upakramet śuṇṭhī-granthika-kṛṣṇāgni-cavya-kṣāraiḥ palonmitaiḥ tulya-kṣīraṃ ghṛta-prasthaṃ sādhitaṃ kapha-gulma-nut grahaṇī-pāṇḍutā-plīha-kāsa-śvāsa-jvarāpaham etat ṣaṭ-palakaṃ nāma śoṣodāvarta-nāśanam āragvadhādi-toyena dīpanīyaiḥ śṛtaṃ haviḥ śleṣma-gulma-haraṃ peyaṃ pippaly-ādyam athāparam