Siddhasara p140

p140

sauvarcalāgni-hiṅgv-aktaṃ pibet takraṃ pradīpanam viḍa-dīpyaka-yuktaṃ vā kapha-vātānulomanam nāryā lohita-gulminyā garbha-kālāvadheḥ param snigdha-svinna-śarīrāyāḥ kāryaṃ sneha-virecanam śatāhvā-cirabilva-tvag-dāru-bhārgī-kaṇodbhavaḥ kalkaḥ pīto hared gulmaṃ tila-kvāthena rakta-jam tila-kvātho guḍa-vyoṣa-ghṛta-bhārgī-yuto bhavet pānaṃ raktodbhave gulme naṣṭe puṣpe ca yoṣitām pīto dhātrī-raso yuktyā kiṃśuka-kṣāra-sādhitaḥ kṣāra-try-ūṣaṇa-saṃyuktā madirā cāsra-gulma-bhit ati-pravṛttaṃ asraṃ tu bhinne gulme nivārayet rakta-pitta-harair yogair vāta-ghnaiś ca marud-rujām vātādīnāṃ sthire gulme kāryo bāhu-śirā-vyadhaḥ dāhaś ca kapha-vātott旷e bhiṣajā dṛṣṭa-karmaṇā gurv abhiṣyandi varjyāni rakṣann agni-balaṃ sadā gulmavatsv anna-pānāni yathāvasthaṃ prayojayet iti gulmādhyāyo navamaḥ samāptaḥ