Siddhasara p153

p153

10.22 vidangājyāgni-sindhūttha-saktūn dagdhvā vacānvitān pibet kṣīreṇa saṃcūrṇya gulma-plīhodarāpaham 10.23 śobhāñjanaka-niryūhaṃ saindhavāgni-kaṇānvitam palāśa-kṣāra-yuktaṃ vā yava-kṣāraṃ prayojayet 10.24 rohītakābhayā-kṣoda-bhāvitaṃ mūtram ambu vā pītaṃ sarvodara-plīha-mehārśaḥ-krimi-gulma-jit 10.25 pātavyo yukti-taḥ kṣāraḥ kṣīreṇodadhi-śukti-jaḥ 10.26 payasā vā prayoktavyāḥ pippalyaḥ plīha-śāntaye 10.27 plīhoddiṣṭāḥ kriyāḥ sarvā yakṛtaḥ samprakalpayet 10.28 kāryaṃ ca dakṣiṇe bāhau tatra śoṇita-mokṣaṇam 10.29 udarāṇām malāḍhya-tvād bahu-śaḥ śodhanaṃ matam 10.30 ata ūrdhvaṃ pravakṣyante sāmānyā yoga-sattamāḥ kṣīreṇairaṇḍa-jaṃ tailaṃ piben mūtreṇa cāsakṛt 10.31 sa-hingu-svarjikaṃ tailaṃ jyotiṣkaṃ vā payonvitam 10.32 payasy aṣṭa-guṇe sarpiḥ-prasthaṃ snuk-payasaḥ palam trivṛtaḥ pala-ṣaṭkena siddhaṃ jaṭhara-gulma-nut 10.33 tri-phalā-kāñcana-kṣīrī-saptalā-nilinī-vacāḥ trāyantī-hapuṣā-tiktā-trivṛt-saindhava-pippalīḥ pibed vicūrṇya mūtroṣṇa-vāri-māṃsa-rasādibhiḥ sarva-gulmodara-plīha-kuṣṭhārśaḥ-śopha-kheditaḥ