Siddhasara p154

p154

viśālā-śaṅkhinī-dantī-trivṛn-nīlī-phala-trayam niśā-viḍaṅga-kampillaṃ mūtreṇodara-vān pibet saptāhaṃ māhiṣaṃ mūtraṃ payasānnāmbu-varjitam pītaṃ vauṣṭraṃ payo māsaṃ śvayathūdara-nāśanam sevyā jaṭhariṇā yuktyā kṛṣṇāḥ snuk-kṣīra-bhāvitāḥ payo vā cavya-danty-agni-viḍaṅga-vyoṣa-kalkitam payasā śṛṅgaverāmbu kalko vā dāru-vahni-jaḥ cavya-viśva-samuttho vā peyo jaṭhara-śāntaye kṣāra-dvayānala-vyoṣa-nīlī-lavaṇa-pañcakam cūrṇitaṃ sarpiṣā peyaṃ sarva-gulmodarāpaham gavākṣī-śaṅkhinī-dantī-nīlī-tilvaka-saṃyutam sarvodara-vināśāya go-mūtraṃ pānam ācaret doṣa-saṃghāta-jaṃ prāyaḥ sarvam evodaraṃ yataḥ tasmāt sarvatra kartavyā vātādi-śamanī kriyā chidrāmbu-baddha-saṃjñeṣu jaṭhareṣu prayoga-vit labdhānujño bhiṣak kuryād vyadhanāpāṭana-kriyām śālayo yava-mudgāś ca kṣīraṃ jāṅgala-jo rasaḥ yojyāḥ sarvodarārtānāṃ bhojanāya yathā-balam ambu-pānaṃ divā-svapnaṃ gurv-abhiṣyandi-bhojanam vyāyāmaṃ yāna-yānaṃ ca jaṭharī parivarjayet ity udarādhyāyo daśamaḥ