Siddhasara p155

p155

aniṣṭāhāra-ceṣṭānāṃ pramehā viṃśatiḥ smṛtāḥ duṣṭa-mūtrāti-vṛttiṃ ca pramehaṃ munayo jaguḥ dantādīnāṃ malāḍhya-tvaṃ prāg rūpaṃ pāṇi-pādayoḥ dāhaś cikkaṇatā dehe tṛṭ svādv-āsyaṃ ca jāyate udakekṣu-surā-piṣṭa-sikatā-sāndra-saṃjñitāḥ śanair-lavaṇa-phenāhva-śukra-mehāḥ kaphānvayāḥ haridrā-nīla-mañjiṣṭhā-kṣāra-raktāmla-bhāsinaḥ paittikā vātikāḥ sarpir-madhu-hasti-vasāhvayāḥ sva-nāma-rūpiṇaḥ sarve sādhyāś ca kapha-jāḥ smṛtāḥ a-sādhyā vātikā dṛṣṭā yāpyāḥ pitta-samutthitāḥ yavānikā mṛṇālam ca guḍūcī sa-harītakī pāṭhā kaṭaṃkaṭerī ca viḍaṅgārjuna-dhanvanāḥ krimi-śatrur haridre dve pathyā-tagara-saṃyute sālārjuna-kadambāś ca dārvī-dīpyaka-saṃyutāḥ candanāgurūṇi pathyā sa-kuṣṭhaṃ devadāru ca katphalāmbu-dharaḥ pāṭhā sa-tiriṭā harītakī ambaṣṭhā khadiro dārvī sāgnimantha-phala-trikam ślokārdhaiḥ sapta madhv-āḍhyāḥ kvāthāḥ syuḥ śleṣma-mehinām paṭolāriṣṭa-pattrāṇi guḍūcy āmalakāmbu-dāḥ abhayāmalakośīra-nīla-vāri-ja-vāri-dāḥ mṛṇāla-padmakāmbho-dāḥ sābhayā-giri-mallikāḥ udīcyaṃ dhātakī-puṣpaṃ lodhraṃ kālīyakānvitam indīvaram uśīraṃ ca sa-lodhrārjuna-candanam