Siddhasara p197

p197

harita-śyāva-pīta-tva-jvara-tṛḍ-vahni-māndya-kṛt pāṇḍau syāt sāda-tandrāḍhyo vāta-pittād dhalīmakaḥ madhurair anna-pānais taṃ vāta-pitta-harair jayet kāmalā-pāṇḍu-rogoktāṃ kriyāṃ cātra prayojayet iti pāṇḍu-roga-kāmalādhyāyaś caturdaśamaḥ CHAPTER 15: HIKKĀ-ŚVĀSA pitta-sthānam atikramya vāyuḥ kapha-puro-javaḥ hikkā-śvāsau karoty ūrdhvaṃ tau ca pañca-vidhau pṛthak mahā-hikkā mahā-śabda-vegā syān marma-tāpanī gambhīrākhyā ca nābhy-utthā jñeyā gambhīra-nādinī yamalā yamalair vegais tīvra-ruṅ mūrdha-kampinī kṣudra-hikkālpa-vegāc ca lakṣyā jatru-samutthitā hikkā syād anna-jāty-anna-pāna-pīḍita-mārutāt āsāṃ kṣudrānna-je sādhye śeṣāḥ prāṇa-hṛto matāḥ mahā-ghoṣo mahā-śvāsa-saṃjño hṛd-dṛg-vivartanaḥ ūrdhvāhvaś cordhva-dṛṣṭiḥ syān moha-hṛt-pārśva-śūla-vān vicchinnaṃ yaḥ śvased uccai-ruc-chvāsaḥ chinna-saṃjñakaḥ tamakaḥ pīnasodrekī sa-moho dur-dine balī manda-khedodbhavaḥ śvāsaḥ kṣudrākhyo nirvyathaḥ smṛtaḥ kṣudraḥ sādhyaś tamo yāpyaḥ śiṣṭās tyājyāḥ pramāthinaḥ