Siddhasara p198

p198

hikkā-śvāsāture pūrvaṃ tailākte sveda iṣyate ūrdhvādhaḥ-śodhanaṃ śakte dur-bale śamanaṃ matam kola-majjāñjanaṃ lājā tiktā kāñcana-gairikam kṛṣṇā dhātrī sitā śuṇṭhī kāsīsaṃ dadhi-nāma ca pāṭalyāḥ sa-phalaṃ puṣpaṃ kṛṣṇā kharjūra-mastakam ṣaḍ ete pādikā lehā hikkā-ghnā madhu-saṃyutāḥ madhukaṃ madhu-saṃyuktaṃ pippalī śarkarānvitā nāgaraṃ guḍa-saṃyuktaṃ hikkā-ghnaṃ nāvana-trayam stanyena makṣikā-viṣṭhā nasyaṃ vālaktakāmbunā yojyaṃ hikkā-nirāsāya stanyaṃ vā candanānvitam naipālyā go-viṣāṇād vā kuṣṭhāt sarja-rasasya vā dhūmaṃ kuśasya vā sājyaṃ pibed dhikkopaśāntaye saindhavasya palaṃ dvābhyāṃ palābhyāṃ sarpiṣaḥ pibet kṣāraṃ cūrṇāvakīrṇaṃ vā hikkārteḥ sarpir uttamam durālabhā kaṇā drākṣā śṛṅgī pathyāvacūrṇitāḥ madhu-sarpir-yuto lehaḥ śvāsa-kāsāpatantra-jit guḍoṣaṇa-niśā-rāsnā-drākṣā-māgadhikāḥ samāḥ tailena cūrṇitā līḍhās tīvra-śvāsa-nudaḥ smṛtāḥ pralihyān madhu-sarpirbhyāṃ bhārgīṃ madhuka-saṅgatām pathyā-tikta-kaṇā-yāsa-yuktāṃ vā śvāsa-nāśanīm rambhā-kunda-śirīṣāṇāṃ kusumaṃ pippalī-yutam piṣṭaṃ taṇḍula-toyena pītvā śvāsam apohati hikkā-śvāsī pibed bhārgīṃ sa-viśvāṃ uṣṇa-vāriṇā nāgaraṃ vā sitā-bhārgī-sauvarcala-samanvitam