Siddhasara p289

p289

ye viṣasya guṇāḥ proktās te madye 'pi pratiṣṭhitāḥ hṛc-chiraḥ-pārśva-ruk-stambha-hikkā-kāsair marud-bhavaḥ tṛḍ-dāha-sveda-pīta-tvaṅ-mūrcchābhiḥ paittikaḥ smṛtaḥ hṛllāsārocaka-cchardi-staimityaiḥ kapha-sambhavaḥ jñeyas tri-doṣa-jaś cāpi sarva-liṅgair madātyayaḥ madyaṁ sauvarcala-vyoṣa-yuktaṁ kiñcij-jalānvitam jīrṇa-madyāya dātavyaṁ vāta-pānātyayāpaham śukta-sauvarcalaṁ sāgni śoṣaṇārjaka-dīpyakam madyaṁ pītvā jayaty ugraṁ pavanotthaṁ madātyayam kola-dāḍima-vṛkṣāmla-yavānī-lavaṇānvitāḥ pātavyā vāta-vicchittyai snigdhā madyena saktavaḥ yojayen mātuluṅgāmra-dāḍimaiḥ pānakāny api snigdhoṣṇa-lavaṇāmlāṁś ca rasāñ jāṅgalajāñ śubham paitte kṣaudra-sitā-yuktaṁ madyam ardhodakaṁ pibet madhurauṣadha-niṣkvātha-yuktaṁ vā śarkarānvitam mudga-yūṣaḥ sitā-yuktaḥ svādur vā paiśito rasaḥ pitta-pānātyaye yojyāḥ sarvataś ca himāḥ kriyāḥ vamana-dravya-saṁyukta-madyenollekhanaṁ matam