Siddhasara p290

p290

pāna-roge kaphodbhūte laṅghanaṃ ca yathābalam dīpanīyauṣadhopetaṃ piben madyaṃ samāhitaḥ triphalāyā rasaṃ vāpi vyoṣa-cūrṇa-samanvitam śuṣka-mūlaka-jo yūṣaḥ kaulattho vā kaṭūtkaṭaḥ yavānna-vikṛtir yojyā jāṅgalāny akṛtāni ca sarva-je sarvam evedaṃ prayoktavyaṃ cikitsitam ye ca tṛṣṇādayo rogās te nivāryāḥ sva-bheṣajaiḥ madya-prakṣīṇa-dehasya vastayaḥ sānuvāsanāḥ abhyaṅgotsādana-snāna-sarpiḥ-kṣīra-niṣevaṇam śatāvarī sa-vṛścīva-yaṣṭī-kalkair ghṛtaṃ śṛtam balātibalā-niṣkvātha-kṣīra-pānaṃ kṣayāpaham payaḥ-punarnavā-kvātha-yaṣṭī-kalka-prasādhitam ghṛtaṃ puṣṭi-karaṃ pānān madya-pāna-hataujasaḥ iti madātyayādhyāyo dvāviṃśatimaḥ