Siddhasara p416

p416

jīmūtakas tathaikṣvākuḥ kuṭajaḥ kṛtavedhanaḥ dhāmārgavaś ca saṁyojyo vamane rāṭha-vat pṛthak pittāntaṁ vamanaṁ samyak kukṣi-hṛn-mūrdha-lāghavaiḥ hṛc-chūla-kṣata-kaṇṭha-tvaṁ saṁjñā-nāśaḥ pravepanam rakta-niṣṭhīvanaṁ jñeyam ati-vāntasya lakṣaṇam viṣa-pīte viṣūcyāṁ ca vamanaṁ balināṁ smṛtam timirī jaṭharī gulmī tṛṣṇodāvarta-pīḍitaḥ garbhiṇī vāta-rogī ca na vāmyāḥ pāṇḍu-rogiṇaḥ snigdha-svinnāya vāntāya pradātavyaṁ virecanam anyathā yojitaṁ hy etad grahaṇī-doṣa-kṛn matam pittena syān mṛduḥ koṣṭhaḥ krūro vāta-kaphāśrayāt madhyamaḥ sama-doṣa-tvān mātrā yojyānurūpa-taḥ trivṛt-saindhava-śuṇṭhīnāṁ cūrṇam amlaiḥ piben naraḥ vātārdito virekāya jāṅgalānāṁ rasena vā pitta-rogī trivṛc-cūrṇaṁ svādu-kvāthādibhiḥ pibet triphalā-kvātha-mūtraiś ca sa-vyoṣaṁ kapha-pīḍitaḥ kṛṣṇā-śuṇṭhī-trivṛt-kṣāra-cūrṇaṁ kṣaudreṇa saṁlihet etad virecanaṁ mukhyaṁ sarva-śleṣma-vikāriṇām pathyā-saindhava-kṛṣṇānāṁ kalkam uṣṇāmbunā pibet virekaḥ sarva-roga-ghnaḥ śreṣṭho nārāca-saṁjñakaḥ palaṁ khaṇḍāt trivṛt-tulyaṁ kṛṣṇā-karṣaṁ ca cūrṇitam madhunāsmāl lihen mātrāṁ virekaḥ sarva-roga-jit vyoṣa-dantī-trivṛt-pathyā-nīlikā-guḍa-kalkitāḥ modakās tri-sugandhāḍhyā recanaṁ sarva-roga-nut snuk-kṣīra-bhāvitaṁ cūrṇaṁ trivṛn-nīlyor guḍājya-vat