Siddhasara p417

p417

kṣul-lāghava-prasanna-tvaiḥ kaphāntaṃ sādhu recanam tad asamyak ca vijñeyaṃ kaṇḍū-maṇḍala-gauravaiḥ śūla-mūrcchā-guda-bhraṃśo vāta-vṛddhir visamjñatā māṃsāmbu-sadṛśaḥ srāvas tv ati-recana-lakṣaṇam kuṣṭhārśaḥ-krimī-vaisarpa-vātāsṛk-pāṇḍu-rogiṇaḥ virecyās tv a-virecyāḥ syur garbhiṇī kṣaya-durbalāḥ vamane 'ti-pravṛtte tu hṛdyaṃ kāryaṃ virecanam vireke cāti-saṃvṛtte vamanaṃ yojayed bhiṣak padmakośīra-nāgāhva-candanāni prayojayet ati-yoge virekasya pānālepana-secanaiḥ nasyaṃ śiro-virekaś ca pratimarśo 'vapīḍanam jñeyaṃ pradhamanaṃ ceti tat-snehenauṣadhena vā tan-niṣevī śiraḥ-snāna-krodhādīñ ca vivarjayet snehasya bindavo hy aṣṭau tarjanī-parva-yugma-jāḥ syān mātrādyāparā śuktiḥ pāṇi-śuktiś ca nāvane catvāro bindavaḥ ṣaḍ vā tathāṣṭau ca yathā-balam śiro-virecane yojyā hy ūrdhva-jatru-vikāriṇām āyasādi bhaven netraṃ pramāṇaṃ dvādaśāṅgulam try-aṅgulā karṇikā cāsya dṛḍha-vasti-samanvitam go-pucchābhaṃ tu kartavyaṃ mūle 'ṅguṣṭha-pramāṇakam chidraṃ kalāya-mātraṃ ca mukhe vṛtta-samaṃ mṛdu śatāhvā-sindhu-cūrṇinyā sukhoṣṇa-sneha-mātrayā prasuptaṃ vāma-pārśvena kṛtānnam anuvāsayet ata ūrdhvam anāyāntaṃ kṣipraṃ saṃśodhanair haret sa-viṭ-snehāgatiḥ samyag-anuvāsita-lakṣaṇam