Siddhasara p419

p419

saindhavaṁ madhu sarpiś ca yuktyā jāṅgala-jo rasaḥ vāta-pitta-gada-ghno 'yaṁ vastir vṛṣyo 'ti-dīpanaḥ śūla-gulma-kṣata-kṣīṇa-kṛcchrodāvarta-nāśanaḥ samaṁ madhu ca tailaṁ ca kvāthaś citrasya tat-samaḥ śatāhvārdha-palaṁ karṣaṁ saindhavasya ca kalkayet vastir niṣparihāro 'yaṁ vṛṣyo dīpana-bṛṁhaṇaḥ gāḍha-viṭ-krimi-gulmānāṁ praśasto nirupadravaḥ kṣaudrājya-kṣīra-tailānāṁ prasṛtaṁ prasṛtaṁ bhavet hapuṣā-saindhavākṣāṁśo vastiḥ syāt pāvano varaḥ mūla-sekād yathā vṛkṣaḥ snigdha-śāḍvala-pallavaḥ tathā vasti-pradānāt syān naraḥ kānti-balādi-mān iti pañca-karmādhyāyas triṁśatimaḥ