Siddhasara p420

p420

amla-varjyā rasāḥ pañca rasone saṁpratiṣṭhitāḥ vāta-śleṣma-haraṁ tat syād dravya-yogāt tri-doṣa-hṛt caitra-māse prayojyaṁ tat svasthena balam icchatā rogiṇā ca sadā sevyaṁ jāta-sāraṁ guṇānvitam saṁyataḥ sva-rasaṁ tasya pibet karṣābhivṛddhi-taḥ dvi-catuḥ-ṣaṭ-palā mātrā hīna-madhyottamā matā kapha-mārutayor amlair anupānaṁ surādibhiḥ kalpayet payasā pitte madhuraiś ca rasair bhiṣak godhūma-vikṛtir yojyā rasā jāṅgala-jāś ca ye krodha-maithuna-khedādīn ajīrṇaṁ ca vivarjayet kanīyān eka-saptāhaṁ madhyamo dvi-guṇaṁ tu tat uttamaś ca tri-saptāham eṣa jñeyaḥ kriyā-vidhiḥ pitta-ghnaṁ sarpiṣā yuktaṁ tailena kapha-vāta-nut vasā-majjānvitam dṛṣṭam kṣata-kṣīṇa-prabṛṁhaṇam