Acarabhushana 12.p1.2

12.p1.2

āveṣṭya ṣaṇṇavatyā tantriguṇīkṛtya yatnataḥ
ab‌liṅgaikaistribhiḥ samyak prakṣālyordhvavṛtaṃ tu tat
atha pradakṣiṇāvṛtaṃ sāvitryā triguṇīkṛtam
trirāvṛtya dṛḍhaṃ baddhvā harivrahmeśvarānnamet
yajñopavītaṃ paramaṃ pavitramiti mantreṇa dhārayet || iti
vidhavāracitaṃ sūtramanadhyāyakṛtaṃ ca yat
vicchinnaṃ cāpyadhoyātaṃ bhuktvā nirmitamutsṛjet || iti devalaḥ
adhoyātamityatra kateriti śeṣaḥ | vasiṣṭhaḥnābherūrdhvamanāyuṣyamadho nābhestapaḥkṣayaḥ
tasmānnābhisamaṃ kuryādupavītaṃ vicakṣaṇaḥ || iti
devalaḥ-upavītaṃ baṭorekaṃ dve tathetarayoḥ smṛte
ekameva yatīnāṃ syāditi śāstraviniścayaḥ || iti
itarayorgṛhasthavānaprasthayoḥ | yatistridaṇḍī | smṛtyantarechede vināśe vā snātaḥ kanyayā nirmitaṃ śubham
vidhavādyābhiratha vā sūtraṃ gṛhṇīta vai śuciḥ || iti
vidhavetyāpatkalpaḥ | dhāraṇe viśeṣaḥ śrutaudakṣiṇaṃ bāhumuddharate'vadhatte savyamiti yajñopavītametadeva viparītaṃ
prācīnāvītaṃ saṃvītaṃ mānuṣamiti | iti | niruktayajñopavītanirmāṇāyaśaktau punastatraiva devalaḥyajñopavītaṃ kurvīta navatantusamanvitam
kārpāsaṃ trivṛtaṃ ślakṣṇaṃ nidadhyādbrahmahastake
sāvitryā daśakṛtvo'dbhirmantritābhistadukṣayet
yajñopavītamiti vā vyāhṛtyā vā'pi dhārayet || iti
tūṣṇīmevordhvavṛtatvādilakṣaṇaviśiṣṭaṃ yajñopavītaṃ nirmāya sāvitryā''po hi ṣṭhādibhirmantrairvā mantritābhiradbhirdaśavāraṃ sāvitryaivābhyukṣya
yajñopavītaṃ paramaṃ pavitramiti mantreṇa vyāhṛtibhirvā dhārayediti smṛtyartha