Acarabhushana 12.p1.3

12.p1.3

iti | nanu yajñopavītaṃ paramaṃ pavitramiti yajñopavītadhāraṇamantrastvārtharvaṇīyabrahmopaniṣadi prasiddhastatpaṭhanaṃ tu vinā tadvedādhyayanārthaṃ vihitamupanayanāntaramanupapannam | tathā cātra vihitaṃ vyāhṛtibhistaddhāraṇameva
nyāyyam | atharvavedādhyayanārthamupanayanāntaraṃ tūktaṃ saṃskāraratnamālāyāmatha tṛtīyaṃ punarupanayananimittam | tacca sarvebhyo vai vedebhyaḥ sāvitryanūcyata iti hi brāhmaṇamiti dharmasūtravyākhyānāvasara ujjvalākṛtoktam
upanayane yatsāvitryā anuvācanaṃ tanmukhena sarve vedā anūktā bhavanti
ato'gṛhyamāṇaviśeṣatvādekamevopanayanaṃ sarvārthamiti | asminnarthe śākhyāyanabrāhmaṇameva paṭhitam | atharvavedārthaṃ pṛthagupanayanaṃ vacanātkartavyam
tathā ca tatraiva śrutam—nānyatra saṃskṛto bhṛgvaṅgiraso'dhīyīta | iti
anyatrānyavedārtham | bhṛgvaṅgiraso'tharvaveda itīti cenna | asya sarvaśākhāgrahaṇaparatvāt | kiṃciddhayayane tu taddinā'pi vacanādinā patnyādivadadhikārācca | etena saṃnyāsapraiṣādyapi tadīyaṃ vyākhyātam | śrutyuktayajñopavītadhāraṇavivaraṇamācāraratne hemādrau bhāradvājaḥ—
kṛṣṇabhaṭṭīyo'triḥ—ṛṣitarpaṇe cāṇḍālabhāṣaṇe śavavāhane viṇmūtrotsarge strīṇāṃ ratisaṅge nivītayaḥ
ācārārke—
yattu saṃskāraratnamālāyāmuktam—śākhāviśeṣeṇopavītasya kṣālanārthaṃ kaṇṭhāduttāraṇaniṣedhāpavādamāha devalaḥ—
ātharvaṇānāṃ tūttāraṇaṃ kṛtākṛtamarthāt | saṃskriyāṃ mantreṇopavītāntaradhāraṇam | abhyaṅga ityetadvākyacoditaviṣayeṣvevaiṣā vyavasthā jñeyeti