Acarabhushana 12.p1.5

12.p1.5

ekasmiṃstruṭite sarvaṃ truṭitaṃ nātra saṃśayaḥ || iti
[ +atha yajñopavītadhāraṇādi śrīrāmakalpadrume saṃskārakāṇḍe jyotiṣārṇaveupākarmāṇi cotsarge sūtakadvitaye tathā
śrāddhakarmaṇi yajñādau śaśisūryagrahe'pi ca
navayajñopavītāni dhṛtvā jīrṇāni ca tyajet
gobhilaḥ-dhāraṇādbrahmasūtrasya gate māsacatuṣṭaye
tyaktvā tānyapi jīrṇāni navānyanyāni dhārayet
na dhārayati mūḍhātmā sarvakarmasu garhitaḥ
manuḥ-mantreṇa dhāraṇaṃ kāryaṃ mantreṇa ca visarjanam
kartavyaṃ ca sadā sadbhirnātra kāryā vicāraṇā
pārijāte-yajñopavītamantreṇa dhārayedbrahmasūtrakam
smṛtyuktena tu mantreṇa niṣkāśyaṃ brahmasūtrakam
tatra mantraḥ-brahmā viṣṇumaheśādyāstantūnāṃ devatāḥ smṛtāḥ
tyakṣyāmi puṇyakāle'sminbhavatāṃ tṛptihetave || iti
atha vastraparidhānam | tathā ca mādhavīye yogayājñavalkyaḥsnātvaivaṃ vāsasī dhaute acchinne paridhāya ca || iti
vyāsaḥ-nottarīyamadhaḥ kuryānnoparyudhaḥsthamambaram
nāntarvāso vinā jātu nivasedvasanaṃ budhaḥ || iti
dharmapraśne-prokṣya vāsa upayogayet | iti
punastatraiva-yajñopavītī dvivastraḥ | iti
punaḥ-adhonivītastvekavastra iti
sarvānrāgānvāsasi varjayet | kṛṣṇaṃ ca svābhāvikam | iti
praśastaṃ tatraivaanūdbhāsi vāso vasītāpakṛṣṭaṃ ca śaktiviṣaye | iti
maprakṛṣṭaṃ tādṛśaṃ ca vāso vasīta śaktau satyāmiti tadvyākhyotjvalā
śiroveṣṭananiṣedhastatraivadivā ca śirasaḥ prāvaraṇaṃ varjayenmūtrapurīṣayoḥ karma parihāpya | iti