Acarabhushana 16.p1.53

16.p1.53

śivastiṣṭhatu kaṇṭhe vasavastiṣṭhantu vaktre sarasvatī tiṣṭhatu nāsikayorvāyustiṣṭhatu nayanayoścandrādityau tiṣṭhetāṃ karṇayoraśvinau devau tiṣṭhetāṃ lalāṭe
rudrāstiṣṭhantu mūrdhnyādityāstiṣṭhantu śirasi mahādevastiṣṭhatu śikhāyāṃ
cāmuṇḍā tiṣṭhatu pṛṣṭhe pinākī tiṣṭhatu purataḥ śūlī tiṣṭhatu pārśvayoḥ
śivāśaṃkarau tiṣṭhetāṃ sarvato vāyustiṣṭhatu bahiḥ sarvato'gnirjvālāmālāparivṛtastiṣṭhatu sarveṣvaṅgeṣu sarvā devatā yathāyathāsthānāni tiṣṭhantu māᳵ
rakṣantvagnirme vāci śrita ityādyaṅgadevatābhiryathāliṅgamaṅgāni saṃspṛśyāthainaṃ prasādhayati—ārādhito manuṣyaistvaᳵ siddhairdevāsurādibhiḥ
ārādhayāmi bhaktyā tvāṃ māṃ gṛhāṇa parameśvara
triyambakaṃ yajāmaha iti cāthainamāvāhayati—
ā tvā vahantu harayaḥ sacetasaḥ śvetairaśvaiḥ saha ketubhiḥ
vātājavairbalavadbhirmanojavairāyāhi śīghraṃ mama havyāya śarvom
iti sthāpitenā''vāhanamathāsmā āsanaṃ dadāti sadyo jātamiti
bhave bhava iti pādyaṃ bhavodbhavāya nama ityarghyaṃ rudrāya nama ityācamanīyamathainaṃ snāpayatyāpo hi ṣṭhā mayobhuva iti tisṛbhirhiraṇyavarṇāḥ śucayaḥ
pāvakā iti catasṛbhiḥ pavamānaḥ suvarjana ityetenānuvākena brahma jajñānaṃ
kadrudrāya sarvārvai kayā naścitra āpo vā idāmityetairvāmadevāya nama iti
ca jyeṣṭhāya nama iti vastrayajñopavīte śreṣṭhāya nama iti madhuparkaṃ rudrāya
nama ityācamanaṃ kālāya nama iti gandhaṃ kalavikaraṇāya nama ityakṣatānbalavikaraṇāya nama iti puṣpaṃ balāya namo (ma iti) dhūpaṃ balapramathanāya
nama iti dīpaṃ sarvabhūtadamanāya iti naivedyaṃ manonmanāya nama iti