Acarabhushana 23.1.5

23.1.5

yathoktaguṇasaṃpanno vaiṣṇavadīkṣāṃ prāpto yastaṃ prati tithirevaṃ
nirṇetavyeti | agre'pi-iti vaiṣṇavadīkṣāyuktānāmekādaśī nirṇītā
atha śrautasmārtaparyavasitānāṃ pāñcarātrādidīkṣārahitānāmekādaśī
nirṇāyata iti | tataḥ pratijñātaikādaśīṃ nirṇīyāgre'pyuktam—athādhikārī nirūpyate | tatra nāradaḥ—
aṣṭābdādadhiko martyo hyapūrṇāśītihāyanaḥ
bhuṅkte yo mānavo mohādekādaśyāṃ sa pāpakṛt || iti
tathā'traivāgre-patimatyāstūpavāsaṃ niṣedhati viṣṇuḥ—
patyau jīvati yā nārī upoṣya vratamācaret
āyuṣyaṃ harate bharturnaraṃkaṃ caiva gacchati
manuḥ—nāsti strīṇāṃ pṛthagyajño na vrataṃ nāpyupoṣaṇam | iti
mārkaṇḍeyaḥ—nārī khalvananujñātā bhartrā pitrā sutena vā
niṣphalaṃ tu bhavettasyā yatkaroti vratādikam || iti
ādiśabdādvastrāṃlaṃkāragandhadhūpāñjanānāmupasaṃgrahaḥ | tadāha manuḥ—
puṣpālaṃkāravastrāṇi gandhadhūpā hisnulepanam || iti
patyuranumatyā tu patnī vratādiṣvadhikāriṇī bhavati | tadāha kātyāyanaḥ—
bhāryā patyurmatenaiva vratādīnācaretsadā | iti
tatraivāgre gṛhasthasya tu śuklāyāmeva nityopavāsa ityuktam | naimittikakāmyopavāsau tu kṛṣṇāyāmapi kartavyau | tatra naimittikaḥ smṛtyantare
paṭhyateśayanībodhanīmadhye yā kṛṣṇaikādaśī bhavet
saivopoṇyā gṛhasthena nānyā kṛṣṇā kadācana || iti
kāmyastu skandapurāṇepitṝṇāṃ gatimanvicchankṛṣṇāyāṃ samuyoṣayet || iti
tatraivāgrataḥ-īdṛśe viṣaye kiṃ kartavyamityākāṅkṣāyāṃ vāyupurāṇe
paṭhyateupavāse niṣiddhe tu bhakṣyaṃ kiṃcitprakalpayet
na duṣyatyupavāsena upavāsaphalaṃ labhet
naktaṃ haviṣyānnamanodanaṃ vā phalaṃ tilāḥ kṣīramathāmbu cā''jyam