Acarabhushana 23.1.6

23.1.6

yatpañcagavyaṃ yadi cāpi vāyuḥ praśastamatrottaramuttaraṃ ca || iti
upavāsāsamarthastu ekabhaktādīni kuryāt | tathā ca smṛtiḥupavāse tvaśaktānāmaśīterūrdhvajīvinām
ekabhaktādikaṃ kāryamāha bodhāyano muniḥ || iti
tatraivāgre-nityakāmyayoraśaktāstu pratinidhibhirvrataṃ kārayeyuḥ | tathā
ca viṣṇu rahasyeasāmarthye śarīrasya vrate ca samupasthite
kārayeddharmapatnīṃ vā putraṃ vā vinayānvitam || iti
paiṭhīnasiḥ-bhāryā patyurvrataṃ kuryādbhāryāyāśca patirvratam
asāmarthye parastābhyāṃ vratabhaṅgo na jāyate || iti
skandapurāṇe-putraṃ vā vinayopetaṃ bhaginīṃ bhrātaraṃ tathā
eṣāmabhāva evānyaṃ brāhmaṇaṃ viniyojayet || iti
tatraiva smṛtyantare-pitṛmātṛgurubhrātṛśvaśrūgurvādibhūbhujām
adṛṣṭārthamupoṣitvā svayaṃ ca phalabhāgbhavet || iti
tatraiva cāgre pratinidhī kaścidviśeṣaḥ smaryatekāmye pratinidhirnāsti nitye naimittike ca saḥ
kāmyeṣūpakramādūrdhvaṃ kecitpratinidhiṃ viduḥ || iti
ayam‌rthaḥ-nityaṃ naimittikaṃ ca pratinidhinā'pyupakramya kārayet
kāmyaṃ tu svasāmarthyaṃ parīkṣya svayamevopakramya kuryāt | asāmarthya upakramādūrdhvaṃ pratinidhinā'pi tatkārayet | tathā tatraivāgre-ekādaśyāṃ
śrāddhaṃ kṛtvā'pi na bhoktavyam | tadāha kātyāyanaḥupavāso yadā nityaḥ śrāddhaṃ naimittikaṃ bhavet
upavāsaṃ tadā kuryādāghrāya pitṛsevitam || iti
tathā-mātāpitroḥ kṣaye prāpte bhavedekādaśī yadā
abhyarcya pitṛdevāṃśca ājighretpitṛsevitam || iti
yattu vacanam-śrāddhaṃ kṛtvā tu yo vipro na bhuṅkte pitṛsevitam
havirdevā na gṛhṇanti kavyaṃ ca pitarastathā || iti,