Acaradarsha p9.1

p9.1

atra ṛṣyādismaraṇe pāṭhika eva kramo grāhyaḥ sthānāṃtareṣvanenaiva krameṇa ṛṣyādicatuṣṭakakathane evaṃ paṃcavidhaṃ yogaṃ japyakāleṣvanusmaret homaṃ vā ta rjane yoge svādhyāye yājane tathā iti śatapathabrāhmaṇāntarbhāvo vā paṃcavidhatva prakārāntaramadhikaphalārthaṃ vā idaṃ ca ṛṣyādismaraṇaṃ yatra maṃtre prāmāṇikaṃ ta taḥ prākprayoge eva kartavyaṃ saṃdhyopakrame āsaḥ smṛto kāraṃca gāyatrīṃ nivadhīyācchikhānataḥ punarācamya hṛdayaṃ nābhiṃ skaṃdhau ca saṃspṛśet yadinasminkāle muktaśikhaḥ syāttadānena maṃtreṇa śikhāṃ badhvā ācāmedityarthaḥ na tu samaṃtrakatvādyaṃ pūrvavaddhāpiśikhāmocanīyeti bhramaḥ kāryaḥ chaṃdogapariśiṣṭe saṃkṣepeṇo kuśānkṛtvā kuryādācamanakriyāṃ savyaḥ sopagrahaḥ kāryo dakṣiṇāḥ sapavitrakaḥ sopagrahaḥ kuśānkṛtveti pūrvoktakuśatraya samīpe agrimakarmopayuktāḥ kuśā dharttavyā ityuktam tatra kuśasyākāṃkṣitatvāt upagṛhyata iti upagraha ityutpattisaṃbhāvācca athapavitraṃ anantargarbhiṇaṃ sāgraṃ kauśaṃdiratnemavacca prā deśamātraṃ vijñeyaṃ pavitraṃ yatra kutracit anenaivalakṣitam hrasvāḥ pracaraṇīyāḥ syuḥ kuśādīrghāstu barhiṣaḥ darbhāḥ pavitramityuktamataḥ saṃdhyādikarmaṇi asyārthaḥ yataḥ pracaraṇadau hrasvādividhirataḥ saṃdhyādau viśeṣavidhyabhāvārddharbhamātramevāṃgaṃ na tu pavitralakṣaṇametat pūrvalakṣaṇāvādhāta ata ityanya yāhyākyabhedāpatteśca atra cācamanātprāgeva pavitra dhāraṇaṃ ācamya prayato nityaṃ pavitreṇa dvijottamaḥ nocchiṣṭastu bhavettatra bhuktaśeṣaṃ tu varjayediti laghuhā rītadarśanādanyatra copayuktakuśatrayadhāraṇamapi dakṣiṇe kare pavitradhāraṇaṃ vasara eva kurvanti aviruddhaṃcenan laghuhārītaḥ darbhahīnā tu yā saṃdhyā yacca dāne vinodakaṃ asaṃkhyātaṃ na yajjapyaṃ tatsarvaṃ niṣphalaṃ bhavet yogiyājñavalkyaḥ aiśānyābhimukhobhūtvā śuciḥ prayatamānasaḥ ācāṃtaḥ punarācāmettadvat mityabhimaṃtrya ca āṃtaraṃ śuddhitiṣṭevaṃ mannapānamalīkṛtam tathā pūrvī saṃdhyā tu gāyatrī sāvitrī madhyamā smṛtā yābhavetpaścimāsaṃdhyā sātudevī sarasva tī raktābhavati gāyatrī sāvitrī śuklavarṇikā kṛṣṇā sarasvatī jñeyā saṃdhyā trayamudāhṛtaṃ kāmadhenvādau śvetā bhavati gāyatrī sāvitrī raktavarṇiketti||