Acarendu 2.p11

2.p11

yaḥ ślokapañcakamidaṃ niyataḥ paṭhen nityaṃ prabhātasamaye puruṣaḥ prabuddhaḥ | śrīrāmakiṅkarajaneṣu sa eva mukhyo bhūtvā prayāti harilokamananyalabhyam || 6|| vāmanapurāṇebrahmā murāristripurāntakārī bhānuḥ śaśī bhūmisuto budhaśca | guruśca śukraḥ śanirāhuketavaḥ kurvantu sarve mama suprabhātam || 1|| pṛthvī sagandhā sarasāstathā''paḥ sparśī ca vāyurjvalanaṃ ca tejaḥ | nabhaḥ saśabdaṃ mahatā sahaiva kurvantu sarve mama suprabhātam || 2|| saptārṇavāḥ sapta kulācalāśca saptarṣayo dvīpavanāni sapta | bhūrādikṛtvā bhuvanāni sapta kurvantu sarve mama suprabhātam || 3|| itthaṃ prabhāte paramaṃ pavitraṃ paṭhetsmaredvā śṛṇuyācca bhaktyā | duḥsvapnanāśo'nagha suprabhātaṃ bhavecca satyaṃ bhagavatprasādāt || 4|| vainyaṃ pṛthuṃ haihayamarjunaṃ ca śākuntaleyaṃ bharataṃ nalaṃ ca | rāmatrayaṃ yaḥ smarati prabhāte tasyārthalābho vijayaśca siddhiḥ || 5|| vyāsaḥmaharṣirbhagavān vyāsaḥ kṛtvemāṃ saṃhitāṃ purā | ślokaiścaturbhirdharmātmā putramadhyāpayacchukam || 1|| mātāpitṛsahasrāṇi putradāraśatāni ca | saṃsāreṣvanubhūtāni yānti yāsyanti cāpare || 2|| harṣasthānasahasrāṇi bhayasthānaśatāni ca | divase divase mūḍhamāviśanti na paṇḍitam || 2|| ūrdhvabāhurviraumyeṣa na ca kaścicchṛṇoti me | dharmādarthaśca kāmaśca sa kimarthaṃ na sevyate || 3|| na jātu kāmānna bhayānna lobhāddharmaṃ tyajejjīvitasyāpi hetoḥ | dharmo nityaḥ sukhaduḥkhe tvanitye jīvo nityo heturasya tvanityaḥ || 4|| imāṃ bhāratasāvitrīṃ prātarutthāya yaḥ paṭhet | sa bhārataphalaṃ prāpya paraṃ brahmādhigacchati || 5 || tathā— puṇyaśloko nalo rājā puṇyaśloko yudhiṣṭhiraḥ | puṇyaślokā ca vaidehī puṇyaśloko janārdanaḥ || 1|| aśvatthāmā balirvyāso 1hanumāṃśca vibhīṣaṇaḥ | kṛpaḥ paraśurāmaśca saptaite cirajīvinaḥ || 2|| saptaitānsaṃsmarennityaṃ mārkaṇḍeyamathāṣṭamam | jīvedvarṣaśataṃ sāgraṃ sarvavyādhivivarjitaḥ2 || 3|| ahalyā draupadī sītā tārā mandodarī tathā | pañcakanyā smarennityaṃ mahāpātakanāśanam || 4|| tato bhūprārthanā pārijāte— samudravasane devi parvatastanamaṇḍale | viṣṇupatni namastubhyaṃ pādasparśaṃ kṣamasva me || atha maṅgaladarśanam | kātyāyanaḥ— śrotriyaṃ subhagaṃ gāṃ ca agnimagnicitaṃ tathā | prātarutthāya yaḥ paśyedāddbhyaḥ sa pramucyate || rocanaṃ candanaṃ gandhānmṛdaṅgaṃ darpaṇaṃ maṇim | gurumagniṃ raviṃ paśyennamasyetprātareva hi || pārijāte— avalokyo na cā''darśo malino buddhimattaraiḥ | tathā— ādarśadarśī darśe ceddbhānuvāre viśeṣataḥ | saptajanma bhavedandho daridraḥ so'pi jāyate